أُمـــنـــيـــة الـــعُـــمـــر



مكاوية في الحج

مرحبنبكم حبايبي في بيتي 🙂

وعشرة مباركة علينا وعليكم ..والله يتقبل مننا ومنكم صالح الأعمال يارب

ياسلام على مكة هادي الأيام..وياسلام على الزحمة وريحة الحجاج…والله شوفة الحجاج وزحمتهم تبسط الواحد وتسعده…

رحت يوم الخميس حجيت ..عقبالكم 🙂 <<أحلى حج في يوم واحد بس<<هع

المهم ياحبايبي رحت منى واتفرجت على الخيام ،،والحملات تزبط خيامها وتزينها وكل حملة تنافس التانية 🙂

ومرينا طبعا على الشياطين(أعوز بالله منهم) وماشاء الله عيني عليهم بارده ..كل شي متعوب عليييه..حتى الجمرات صارت 4 أدوار، وكل دور فيه درج كهربائي وعايدي..يوصل للدور اللي بعده…واللي بيشتغلوا هناك عاملين حالات استنفار، وكلهم يشتغلوا وهما مبسوطين 🙂 …فكروني بأهل العريس لمن يعبوا للجواز<<ونعم التشبيه 🙂

يابختهم يكسبو أجر خدمة الحجاج..والله لمن شفت الجماعات اللي تشتغل اتحمست بالمرررة إني أشتغل معاهم،،.ياريت نقدر..

المهم خلصنا من منى رحنا على مزدلفة وجلسنا فيها ..وكل واحد فينا يتأمل ويتخيل كيف راح يكون دا المكان بعد كم يوم!!

والله خنقتني العبرة من شوقي للحج-الله يكتبنا منهم يارب-نفسي احج واتنقل من طهر لطهر 😦

هذي ياحبايبي كل الحكاية وهيا تمشية المكاويين قبل الحج…


استنوا فين رايحين؟؟..

أبغى اذكركم واذكر نفسي بفضل دي الآيام -زي منتوا عارفين الليلة أول ليله من ليالي الحج-عسى ربي يتقبل اعمالنا..يارب

فضل عشرمن ذي الحجة

قال رسولنا الحبيب عليه الصلاة والسلام “ما من أيام العمل الصالح فيها أحب الى الله من هذه الآيام ولا الجهاد
إلا رجل خرج بنفسه وماله فلم يرجع من ذلك بشئ”

وهي خير أيام الدنيا

وهي الأيام المعلومات التي شرع الله فيها ذكره قال تعالى”ويذكروا اسم الله في أيام معلومات على مارزقهم من بهيمة الانعام”

وفيها يوم عرفة(يوم الحج الأكبر) ويوم النحر

وفيها تجتمع أمهات العبادات ولاتجتمع في أيام غيرها وهي (الصلاة والصيام و الصدقة والحج)


مايستحب فعله هذه الآيام

الصلاة والتبكير اليها

الإكثار من النوافل والطاعات

الصيام لما ورد عن النبي صلى الله عليه وسلم انه صامها

صيام يوم عرفة يكفر السنة التي قبله والتي بعده لقوله صلى الله عليه وسلم”احتسب على الله أن يكفر السنة التي قبله والسنة التي بعده”

التهليل والتكبير

وصيغه

الله أكبر. الله أكبر. الله أكبر. لا إله إلا الله. والله أكبر. الله أكبر ولله الحمد


الله أكبر. الله أكبر. الله أكبر. لا إله إلا الله. والله أكبر. الله أكبر. الله أكبر ولله الحمد



انتظروا عادات المكاوية في العيد 🙂

بالسلامة حبايبي

Advertisements

Trackbacks & Pingbacks

  1. عفواً .. لاأحب التراث « أيـانِق pingbacked في 8 years, 9 months ago

تعليقات

  1. * ayaneeq says:

    شهر مبارك علينا وعليكي حبيبتي ..
    قلك أهل العريس هاا .. كل يغني على ليلاه ياأختي :p
    وأهل العريس بدأو الدوارة على فكرة .. لو تبي تجي تفزعي حياك 🙂
    في انتظار عادات المكاكوة الحلوين

    كُتِبَ 8 years, 10 months ago
  2. * majeed99 says:

    جزاك الله خير

    وجعلة في ميزان حسناتك

    🙂

    كُتِبَ 8 years, 10 months ago
  3. ياهلا هندو 🙂

    علينا وعليكم يارب..والله يتقبل طاعاتنتا…

    ههههههههههههههه..ايوه أهل عريس..موجالسه أفكر فيكم عشان كده << :p

    يووووه الله يعيييينكم…وعقبالك يارب..

    ابشري ولايهمك..نحنو في الخدمة 🙂

    قريييبا ان شاء الله تشوفي عادات المكاكوة في العيد..(القيس+الخليف+الجو جو)
    اتحدى تعرفيها::هع

    كُتِبَ 8 years, 10 months ago
  4. أهلا اخوي مجييد 🙂

    وإياك يارب

    شكرا لك

    كُتِبَ 8 years, 10 months ago
  5. * ayaneeq says:

    اممم
    يلا دعواتك المساندة هع
    امم
    القيس دا مررة مااعرفه
    الخليف إلا أعرفه عندي فكرة عنه
    الجو جو .. برضو اعرفه أفا عليك
    يابنت عيب انا من اهل مكة وليا فيها 10 سنين
    مايسير تقولي كدا
    هع

    كُتِبَ 8 years, 10 months ago
  6. هههههه
    يااااااااااااااااااارب ماتخلص السنة إلا وأنت لاحقة أخوك ياهند انت وفطوووم 🙂

    القيس يعملوه في عيد الحج..خلاص بلاش أحرق الموضوع..بعدين تقريه

    ههههههههههههههه..آسفين ياستي..

    وهـ ياحبيبتي ..10 سنين خلاص

    صرتي من أهل مكة وحافزتها شبر شبر

    يلا تعالي قيسي عندنا في العيد<<لوووول

    كُتِبَ 8 years, 10 months ago
  7. موضوع حلو مصاغ بأحب اللهجات الى قلبي 🙂

    شكرا أمنية 🙂 أسلوب رائع

    كُتِبَ 8 years, 10 months ago
  8. * NjOoo says:

    وااااو مررره حلوو
    ياليتك اخذتي لنا كم صوره كذا .. نفسي اشوف منى والمزدلفة فاضية والخيام وعرفة وكلووو 😦
    الله يكتبلنا حجه يااااا رب …

    وعاد الحجاج بيرحوا من عندنا لكمـ ,, اشكالهم ترد الروح وتخنق العبرة وهما كذا جمااااااااعات من مشارق الارض ومغاربها 😦 الله يتقبل منهم

    جزاك الله خير على التذكير

    (F)

    كُتِبَ 8 years, 10 months ago
  9. * بشوره says:

    اول شي وحشتيني يا دبه
    اكيد زعلانه مني لانو من زمااان ما زرتك

    تاني شي
    كل سنه وانتي طيبه يا عسل 🙂

    يالله استنى المعمول والغريبه منك هههههههههههههه
    احنا لسا ما عملنا

    😀

    كُتِبَ 8 years, 10 months ago
  10. * مينو says:

    وأحلى رحلة…………. لأحلى مكااااكوة في البلد………..

    بسراحة عجبتني الرحلة دي…….

    وودي تتكرر… ونرووح نحج كلنااا…………………7_7

    أصلوواا ماما تبغى ترووح…. بس الله ييسر لناا ولهاا

    والله يتقبل منا ومنكم صالح الأعمااال والطاعاااات……………………..

    >>> أم المفاااجعاااات جااااااااااااتـ……………………….. كخخخخــ ^_*

    هندووووووو الله يسعد عريسكم ويووفقكم ياارب

    ولووو تبي في الخدمة من جدة لمكة ………… ومن الطاائف………لــــــ

    ………………

    …………………………

    ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, كندااا…. ^_&

    انتي بس اطلبي………. .^:^.

    …………………………………………………………………..

    كُتِبَ 8 years, 10 months ago
  11. ياهلا اخوي عبدالرحمن 🙂

    العفو اخوي

    الشكر موصول لك…
    واللهجة الحجازية من أحلى اللهجات 🙂

    شكرا لك

    كُتِبَ 8 years, 10 months ago
  12. اهللين نجوو 🙂

    والله ياحبيبتي كان نفسي أصور ..بس للأسف الكاميرا خربانة 😦 …قريبا الاصلاح ان شاء الله

    امييين يارب يكتب لنا حجة في سنة وحده معم بعض 🙂

    الله يتقبل منهم ويرجعهم لبلادهم سالمين غانمين ياري

    وإياك يارب

    يسلموا حبيبتي واعذريني مقصره معاك 😦

    كُتِبَ 8 years, 10 months ago
  13. يااااااااااااهلا ببشوورتي 🙂

    والله انت اكترررر يانحيييفة<<هع

    وانت بخير وصحه وهنا يارب

    الله يحييييييييك…لسه دوبنا مخلصين من المعموووووول…والغريبة مو دايما نسويها 🙂

    تفضلي دوقي 🙂

    كُتِبَ 8 years, 10 months ago
  14. معقوووووله!! ميييييييييييينو هنا 🙂

    ياااااااهلا والله..من جد أحلى رحلة والله
    قولي امين
    يااارب نحج كلنا في سنة وحده 🙂 الله ييسر لنا يارب

    والله يتقبل من الحجاج حجهم ويرجعهم لبلادهم سالمين

    إلا قولي أم احلى المفاجآآآآآآت 🙂

    أما كندا مررره وحده <<هع هع

    كُتِبَ 8 years, 10 months ago
  15. * خوخه says:

    حج مختصر في يوم واحد
    وقبل الناس لايحجوا كمان
    بس لايكون هادا حج شيعه

    ان شاء الله ربي يكتبلك حجه يارب

    كُتِبَ 8 years, 10 months ago
  16. * subahi 2 says:

    تحياتي لك أمنية على الموضوع الجبار هدا

    والله الفائدة منو كبيرة

    صحيح

    أني أخر وحدة

    بس هادا ما يمنعني اني أقرء الموضوع

    لك من الود وافره

    كُتِبَ 8 years, 10 months ago
  17. ماشاءالله دائما مبدعه..

    اسلوب حلو،،،والله يتقبل مننا ومنكم صالح الاعمال يارب..

    كُتِبَ 8 years, 10 months ago
  18. هلا خوختي 🙂

    ههه
    شفتي كيف..مافي اختصار احلى من كده
    لايابنتي مو حج شيعة..

    وي لاتعقديها..يسروا ولاتعسروا <<هع

    امييييين يارب..وإياك
    يسلموا 🙂

    كُتِبَ 8 years, 10 months ago
  19. هلا سحوره 🙂

    أما جبار مرة وحده!! قووويه بصراحة

    الله يكتب الفايدة للجميع
    ولو البيت بيتك في اي وقت 🙂

    شكرا لإطلالتك

    كُتِبَ 8 years, 10 months ago
  20. هلا نهورة 🙂

    الإبداع ينبع من اللهجة مو مني 🙂

    الله يتقبل من الجميع يارب

    شكرا ياستي 🙂

    كُتِبَ 8 years, 10 months ago
  21. * وهل يخفى القمر says:

    ماشاااء الله كل دا من ورايا يابنت ..

    طيييب شغلك بعديييين..

    ومبروك عالحجز <<< ها بس درجة أولى ولاّ سياحية خخخخخ

    يالّلا سي يو يوم السبت إن شاء الله..

    كُتِبَ 8 years, 10 months ago
  22. * عيون الوجد says:

    وه ياقلبي .. شوقتيني للحج دا …
    ياستي ليش جبتي سيرة الزواااج .. اصلو افتكرت فرح بنت عمي ..
    بس ادعيلي بالله ..
    ايييييييييييوا ونسيت اشكرك على التزكير بألأفضال العشر من زي الحجه …
    بس اقولك .. لاتنسي بالله تزكريني بموعد نزول العادات حقت المكاويين ..
    وربي يقوكي يابنتي …
    هااا كيف زبط الهرجه .. ^_^

    كُتِبَ 8 years, 10 months ago
  23. اهلليييين بـ هل يظهر المحااق ..عفوا قصدي ريم 🙂

    شفتي كييييييييييييف..حجيت خلاص الحمدلله<<خخخخ

    هع هع
    معقولة انت اللي راده ع الموضوع؟؟يهوووودي ماااات..<<لوووول

    افا عليك بس ..درجة اولى طبعا مافيها كلااااام..مو زيكم!!هع

    ان شاء الله على خير

    كُتِبَ 8 years, 10 months ago
  24. هلا عيون الوجد 🙂

    نورتي في مقعدك يختي

    اصلوا شكل الناس اللي بتشتغل زي اللي يعبوا للجواز …الله يعييينك…ومبرووك عليها وعقبالك يختي 🙂

    العفو ياحبيبتي..وي ماسويت شي

    ابشرررري من عيوووني أزكرك

    الله يقكوكي انت كمان

    وهـ هو انا أقدر أقول شي..هرجتك مزبوووطة 100%
    غلبتيني ياحرمة
    هع

    كُتِبَ 8 years, 10 months ago
  25. * odah says:

    هههه ياحليلك يا امنية
    ذكرتيني بأيام زمان ايام الابتدائي لما كنا نطلع رحلة لمناسك الحج
    وننبسط اننا حجينا >>> واحنا من جنبها

    وبالفعل زي ماقلتي ماشا الله الدولة بتحاول تيسر وتسهل الحج قد ماتقدر
    بس في النهاية حلاة الحج في تعبه ومشقته ومساواة كل فرد بالتاني

    الله يبلغ كل من ما حج لسه بحجة قريبة يارب
    ويتقبل من اللي حيحج السنة دي يارب

    كُتِبَ 8 years, 10 months ago
  26. هلا أودتي 🙂

    هههههههههههههههه
    من جد زكريات

    والله صااادقه حلاوته في تعبه وهجولته

    اميييييين يارب
    الله يسمع منك يارب

    مشكورة يختي

    كُتِبَ 8 years, 10 months ago
  27. ههههههه اللي سويتيه اسمه حج اكسبريس

    ربنا يكتب لنا الحج في السنه الجايه

    كُتِبَ 8 years, 9 months ago
  28. لوووووووووووووووووووووول

    اكسبرسسسسسسس وبسسس<<هع

    اللهم اميييين يارب .. ييسرلنا ولكم

    كُتِبَ 8 years, 9 months ago
  29. * أماني says:

    مرحبنبك ياستي 🙂

    زماااااااااااااااان عن مدونتك

    وليش ماخذتني معاكي هع

    بقولك انا بس شفت منظر الحافلات تبع الحجاج بصررررخ

    طبعا ايام فضلها عظيم

    الله اكبر الله اكبر لااله الا الله والله اكبر الله اكبر ولله الحمد

    بالسلامهـ ياسكرهـ

    كُتِبَ 8 years, 9 months ago
  30. هلا والله 🙂

    تو مانورت المدونة

    يختي اخاف تخسريني عشان كده ماعزمتك<<هع هع

    والله منظر يشووووووووووووق

    تسلمي ياعسل

    نورتينا 🙂

    كُتِبَ 8 years, 9 months ago
  31. * ماجدوه says:

    يا هلا بأهل مكه 🙂
    شكلكم حجيتوا مع حمله
    لانكم مرره مبسوطين بالحج و كأنه كان شي سهل مرره
    🙂 يتقبل الله منا و منكم صالح الاعمال

    كُتِبَ 8 years, 9 months ago
  32. اهلين ماجدوه 🙂

    ههههههههه..حملة ولاأحلى..لووووول

    امين يارب

    شكرا لك

    كُتِبَ 8 years, 9 months ago
  33. * الديمة says:

    ماشاء الله وصفط إبداع يا أمينة
    بس بالله ليتك صورتي شكلهم وهم يزبطوا الخيام
    يارب اتقبل منا وتكتب لي ولأمنية الحج السنة الجية..

    كُتِبَ 8 years, 9 months ago
  34. * الديمة says:

    ماشاء الله وصفك إبداع يا أمينة
    بس بالله ليتك صورتي شكلهم وهم يزبطوا الخيام
    يارب اتقبل منا وتكتب لي ولأمنية الحج السنة الجية..

    كُتِبَ 8 years, 9 months ago
  35. اهلا بك عزيزتي الديمة 🙂

    مرورك المبدع..تألقت مدونتي بزيارتك 🙂

    والله كان نفسي اصور بس الخرجه جات سريعه والكاميرا خربانه :(..المره الجايه ان شاء الله

    اميييييييييين يارب
    الله يبلغنا ويبلغك
    شكرا لك

    كُتِبَ 8 years, 9 months ago
  36. * صلو على الحبيب says:

    اه اه اه الين بكرة الحمدلله على وجود الله واللهم يارب اكتبي حجة هذي السنة ادعوووووووووووووولي يا بنات الله يخليكم دعاء لأختكم بظهر الغيب الله يقويك يا عيون الوجد ويزيدك ويكثر من امثالك موقعك يجب الراحة والإطمئنان فكيف بالعزيز الرحمن مرررررررة مشككككككورو على جهودك الله يجعلها في ميزاااااااان حسناتك يا مجيب الدعوات (معليش طولت عليك بس من جد اثرث في حبك واخلاصك لو مليت الصفحة ما اوفي حقك يا عسل ^-^

    كُتِبَ 8 years, 7 months ago
  37. أهلين منوولة
    ان شاء الله يارب يكتب لك ويكتب لنا حجة معتبرة يااارب ..
    والله يسعدك على الدعوات الحلوة ..
    والله يسمع منك ويستجيب لك ولي ولصاحبة المدونة امووون ..

    كُتِبَ 8 years, 7 months ago


اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: