لن أثرثر كثيرا وأتفلسف وأنمق العبارات هو فقط موقف أثر فيني وأحببت تجسيده لكم…..
مريت مرة ع مطعم وطلبنا عشاء ..واحنا بانتظار الطلب يخلص ..جانا ولد صغير يمكن عمره 13او14 سنة..ولاصق فينا طول الوقت يبغى فلوس واحنا مطنشين ..وهو يقول بس ريال !!
بصراحة كسر خاطري وفكرت أعطيه وبعدين اتراجعت.. -لأني ماأحب اشجع على انتهاج هذاالأسلوب في كسب المال- ..تجاهلت مشاعري وطنشته..لكن ماما حزنت عليه وقالت بأعطيه بس خايفه يلعب فيها في شي مو كويس..وبعد تررد سألناه اش تبغى بالفلوس؟؟
قال أبغى آكل شاورما جوعان 
!!!
المهم اشتريناله عشاء واعطيناه ..اخذه وجلس متقوقع ع نفسه فوق درجة المطعم..وبدأ ياكل بكل براءة…
منظره من جد خلاني أحتقر نفسي وأكرهها.خلاني اشوف الناس من زاوية تانية..خنفتني العبرة وغرقت عيني دموع حرقة وقهر ع حاله..
أي شي نبغاه نقدر نجيبه ونوفره بكل بساطه..وهذاالمسكين جوعان وموقادر يوفر حق أكله
والله إني أكتب والعبره خانقتني.. تمنيت تكون معايا كاميرا وقتها عشان أصوره واحتفظ بصورته عندي
من جد موقف أثر فيني
الله يرزقنا ويرزقهم ويرزق جميع المسلمين مايتمنون ويبارك لنا فيما رزقنا
تذكرت مقولة لعلي الطنطاوي ” الله يرحمه ” :
،، ولو أن كل امرئ يعطي من هو افقر منه لما بقى في الدنيا محتاج ،،
وفعلاً الله يرحمه ولو كل شخص فينا تصدق لشخص أخر اعتقد مابقى فينا محتاج
يالله الله يرزقه يا رب ويغني كل فقير و يشبع كل جائع
ربي معاهم
(F)
للأسف أختي
اولاد الحرام ما خلو لأولاد الحلال حاجة
على قول إخواننا المصارية
كثيرا ما أتردد في إعطاء أحد النقود
والسبب أنني أشك أنه محتال
لكن في داخلي تيتحرك ألف تساؤل
هل أنا مخطيء أو مصيب؟
هل انا فاهم صح أو خطأ؟
هل انا قاسي أم مغفل؟
ألف سؤال والإجابة
لا أدري
حيرتينا الله يهديك….
من وجهة نظري …
لا يجب على المقتدر أن يسأل نفسه فيما سينفق هذا الريال أو المبلغ البسيط
لأنه سيخرج منك بنية الصدقة ..
والله سيحاسبك على نيتك و ليس على ما سيصرف فيه الريال …
تفكري في ردي جيداً
تحياتي
اهلين نجوو
رحمه الله..فعلا لو كل واحد حس بإحساس من هو أفقر منه ماكان شفنا الحال اللي بنشوفه!!
**الله الله يرزقه يا رب ويغني كل فقير و يشبع كل جائع
ربي معاهم
امييييين يااارب الله يسمع منك
يسلمو على هالطلة
هلا اخوي سراج
صحيح كلامك…دائما نتردد في اغطاء مثل هذه الفئات…
يااخي الحكاية محيرة الكل..
بس انا قصدي انه مثل هذي الفئات المفروض يكون لها وضع معين ومصروفات معينة ممكن عن طريق جمعيات او الدولة او حاجة زي كده..المهم مايحوجو نفسهم لسؤال الناس…
والرسول صلى الله عليه وسلم حث ع العمل واخذ المال من كسب اليد..كما هو معروف في قصة الصحابي الذي أمره بالاحتطاب…
لو اضمن انه ماراح يسأل الناس تاني..ماعندي مشكلة أعطيه!!
شكرا لطلتك النيرة اخي
أهلا سامي
وجهة نظر مهمة جدا وصااائبة..فعلا انت نظرت للموضوع بزاوية اخرى…أشكرك ع التذكير..
لكن ألا تتفق معي بأن استجابتنا لمثل هؤلاء ستساعد على انتشار هذه الظاهرة,,والكل راح يجرب.!!..
بغض النظر عن النية في الصدقة-بالرغم من اهميتها- لكن لاأشجع على سؤال الناس في كسب العيش..لأنها ظاهرة سلبية لو تفشت في المجتمع!!!
والمستحقين للصدقات كثيير واللي يسأل مايتووهـ..
شكرا لإضافتك سامي
صار لك زماان عن المدونة..منور
يا أمنية
سؤال بسيط … ولد عمره 13 او 14 سنة إيش ممكن يشتغل أو مين اللي هيشغله أساساً؟؟
وفي معلومة أنا بعرفها (بس مش متأكد من صحتها) هي إنه ممنوع يشتغل من هو أقل من 18 سنة …
شكراً لك
تحياتي
سامي
صحيح أتفق معاك انه صعبه يشتغل او يلاقي شغل…لا ممكن في المواسم بيشغلوا اولاد اقل من 18
أهم شي عندي انه مايذل نفسه ويسأل الناااس …بس هذا اللي ابغاه من هذه الفئة!!
وأتمنى يكون فيه اهتمام من الجمعيات الخيرية أو الدولة بيهم
شكرا لك سامي…. من جد أثريتني بوجهة نظرك
موقفك ايجابي امنية لا تحزني لذلك ..
فكثير منهم يسألون وهم غير محتاجين
تصرف سليم منكم حين سألتوه عن حاجته ولبيتم ذلك
امثاله كثيرون ..
الحمد لله على النعم الكثيرة التي من الله بها علينا
كان الله في عونهم
كان الله في عونهم
مرة في جدة كانت في وحدة تبكي وتلطم وتترجى رجال يعطيها ريال
وتمد يدها وتاخذ الفلوس ودموعها على خدها
وفي اليد الثانية اسكريم باسكن روبنز بسكوت كورتين كبيرة
دخلنا المطعم انا واهلي وخرجنا
لقينا جا الرجال اللي يلمهم بباص وبقيت بنت صغيرة عمرها 7 سنين
شاف كم جمعت لقا اقل من المتوقع
سابها واخذ الباقين ومشي
وجات عندي تطلب مني
هل اعطيها عشان انقذ حياتها من جشع اللي ماعندهم ضمير ؟
ام اتركها في الشارع مرمية رمية الكلاب ؟
سالتها تحبي اوصلك بيتك ؟
قالت ما اقدر ارجع البيت بدون ما اجيب الفلوس ولا ابويا حيضربني
ايش حتسوي في موقف زي هذا ؟
انا عن نفسي سبت البنت على امل ان يستيقظ ضمير الاب يوم .. ومن اللي شفته عرفت انها ما راح تموت من الجوع
اهلين أودتي
هذا السبب اللي خلاني أعرض عنه…
والله من جد حاجه تحزن…
الله يرزقهم
اي والله الحمدلله ع كل نعمه
تسلمي أودهـ ع الطلة
اهلا عبدالرحمن
باسكن روبنز مرهـ وحده!!!وكورتين كمان!!!
ماشاء الله…فنانه
هذا الشي اللي يقهررررررر…تلاقي الأطفال مساكين مجبورين ومالهم ذنب..لكن الكبارر اللي أجبروهم
**مرهـ شفت برنامج بيتكلم عن دا الموضوع..قام المذيع سأل ولد عند الإشارة..الولد كان مرره خايف ويقول انا مالي احد هنا غير اخويا الكبير..واهلي كلهم في اليمن..وحالتهم ضعيفة..وابويا وداني لواحد جابني السعودية تهريب عشان اتسول!! ولو ماجبت المبلغ المطلبووب راح يعاقبوني وممكن يرجعووني لأهلي وابويا مايبغاني!!!
من جد مواقف مؤثرة..
اما لو حصل لي زي موقفك حأطنش ومااعطيها لكن ممكن حيفضل ضميري يأنبني ع تطنيشي..بس فعلا ماراح تموت جوع وياليت يفوق الأب
بس الله يثبتنا..ويخفف من حدة هذه الظاهرة
شكرا ع الإضافة النيرة سقاف
كتب الله لك الأجر ..
وأعطانا الله على قد نيتنا ..
وااااااي يالطيف ياربي
انا حاجاات زي كدا مررررره أكوون فيها ضعيفهـ
بالذات لاشفتها طفل أو طفلة صغاار في العمر
بس الله يستر عليهم وينجيهم من شر من يكوون أكبر منهم . . . .
مشكووورة أمووني . .
أهلا ليلى
كتب الله الأجر للجميع
اللهم امييييين
اشكر طلتك
هلا مينوو
كلنا نضعف في مواقف زي كده…لكن المفروض نتحكم في مشاعرنا ومانخليها تسيرنا…
امييين يارب
اشكر روحك الشفافة مينوو
آميييييييييين يارب
ترى مرررررررره تعباانه منهااا
دعوااتكـ ياقموور
الله يعيينك…..
لاتأزمي الموضوع وتكبريه..بالعكس مشاعر حلوة بس لازم تنحكم فيها
الله يعين وبس ..
هلا منيرة
امييين يارب
**وحشتيني يابت ..زمااان عنك
من جد الله يقدر كل واحد على فعل الخير سبحان الله الله يسعدك على هذي القصة مرة مؤثرة اصلا احنا حتى لو ملكنا الدنيا نحن فقراء الى الله
شكرا عيون الوجد
الله يقدر الجميع يارب فعل الخير ..
ومنورة قروب مدونتنا ياحلوة بعبق كلماتك
وجمال مرورك ..